May bag-o na nga regional director ang Police Regional Office (PRO) 6 epektibo bwas, Disyembre 1.
Pagabuslan ni Police Brigadier General Rolando Fernandez Miranda ang pwesto ni PBGen. Rene Pamuspusan nga natalana nga igasaylo sa Directorate for Plans.
Si Miranda ang miyembro sang Philippine Military Academy Class of 1990 kag nangin District Director sang Manila Police District sa National Capital Region antes ang iya assignment sa PRO-6.
Samtang, si Pamuspusan ang mangin Deputy Director na sang Directorate for Plans.
Kabahin naman ini sang Philippine Military Academy Class of 1988.
Nagserbe si Pamuspusan bilang regional director humalin sang Hunyo 27, 2019.
Ang mando sang reassignment kag designation ang gin-isyu sang Camp Crame sadtong Nobyembre 29.
Natalana naman ang turn over of command sa Disyembre 2, alas-3:00 sang hapon.
