Ginpanugyanan sang spokesperson sang Police Regional Office 6 ang mga ginikanan kag guardian nga dapat bantayan gid ang mga kabataan ilabi na kun menor de edad.
Ini ang kasunod sang pagkadula sang 5 years old nga bata sa ciudad sang Talisay, Negros Occidental kag nakita lamang sa ciudad sang Bacolod.
Sa interview sang Bombo Radyo Bacolod kay Police Lt Col. Arnel Solis, ang mga menor de edad ang dapat ginagiyahan sang mga ginikanan kag guardian kag kun may yara sang makita kamala-malahan ukon makaduluda dapat nga ireport gilayon sa mga kapulisan.
Suno kay Solis, dapat ang mga hotline numbers ukon emergency numbers ang nakasave sa cellphone agud makatawag gilayon sang bulig kun kinahanglanon.
Ginpahayag man sini nga ang mga insidente kaangay sang missing persons ang dapat ginaimbestigaran sang mga kapulisan.
