Nagapasalamat ang tagpamaba sang Police Regional Office 6 nga nangin malinong ang Western Visayas kasunod sang obserbasyon sang Holy Week.
Sa interview sang Bombo Radyo Bacolod kay Police Lt. Col. Arnel Solis, generally peaceful ang pagpatigayon sang Holy Week sa Western Visayas.
Suno kay Solis, nagnubo ang mga crime incidents sa 44.16 percent ukon 158 lamang ang narecord subong nga tuig apang sang 2021 may narecord sila nga 283 incidents.
Suno sa tagpamaba sang PRO 6, ini ang resulta sang close coordination sa tunga sang local government units, Philippine National Police (PNP), force multipliers, volunteer groups kag iban pa nga government agencies.
Ginpasalamatan man sini ang tanan nga mga nagkooperar sa mga kapulisan agud nga mangin malinong ang pagpatigayon sang mga activities sa Holy Week sa Western Visayas.
Ginpanginbulahan man ni PRO 6 regional director Police Brigadier General Flynn Dongbo ang mga kapulisan sa sakripisyo nga ila ginhimo agud nga mapatuman ang ila mga security plans para sa semana santa.
