-- ADVERTISEMENT --
Preparado na ang kapulisan sang Police Regional Office- Negros Island Region para mag-augment sa Cebu province.
Sa interview sang Bombo Radyo kay Police Lieutenant Colonel Joem Malong, spokesperson sang PRO-NIR, 80 ka mga police personnel ang ipadala didto para magbulig sa mga biktima sang linog.
Suno diri, 41 ka personnel ang magagikan sa Negros Occidental Police Provincial Office samtang 39 naman ang magagikan sa Negros Oriental Police Provincial Office.
Sa karun nakastandby na sila samtang ginahulat pa ang go signal para sa deployment kag maumpisahan ang search and rescue operations.
Pahayag ni Malong, bangod ginaselebrar ang Masskara Festival sa ciudad sang Bacolod, wala sang may ginkuha nga personnel sa Bacolod City Police Office.
-- ADVERTISEMENT --
