May ginalantaw nga duha ka persons of interest ang mga kapulisan sa Negros Occidental sa mahimo naglampos sang bato sa tatlo ka mga kabataan kun sa diin nagresulta sa kamatayon sang isa ka siyam katuig nga bata sa Hacienda Badiang, Barangay E. Lopez, Silay City, Negros Occidental./
Sa interview sang Bombo Radyo Bacolod kay Police Col. Dennis Wenceslao, Provincial Director sang Negros Occidental Police Provincial Office, may yara na sila sang ginalantaw nga duha ka persons of interest sa pagpatay sa mga biktima.
Suno kay Wenceslao, nag-abot na ang resulta sang post mortem examination apang may ginahulat pa sila sang resulta sang fingernail examination.
Suno sa provincial director nagapadayon ang ila nga imbestigasyon sa kaso kag ginalantaw nga kilala sang mga biktima ang naghimo sang krimen bangud sa crime scene wala sang iban nga naguba nga gamit magluwas nalang sa cellphone.
Nagapanawagan man ini sa tanan nga kun sin-o may yara sang impormasyon nga makabulig sa pagsolbar sang kaso ang makig-angot sa Silay City Police Station agud nga mahatagan sang hustisya ang natabo sa mag-utod nga biktima.
