Narelieved na sa duty si Police Staff Sgt Bonifacio Saycon samtang nakahunong sa Sibulan Municipal Police Station.
Sa interview sang Bombo Radyo Bacolod kay National Police Commission – Negros Island Region Director Atty Owen de Luna, kumpletohon tanan ang ebidensya sa pagpasaka sang administrative case batok kay Saycon.
Suno diri, nagapakig-angot man sila sa kapulisan para sa pagfile sang criminal case agud kun may yara sang ebidensya nga mahimo nila magamit para sa administrative case, ini ang ila man mahimo madugang.
Suno kay de Luna, kun may nafile na nga charges batok kay Saycon, mahimo na ini madagdagan sang preventive suspension kag ang mga benepisyo sini sa pagkapulis ang ma-untat na.
Sa karun, narelieved na ini sa duty samtang nagapadayon ang inquest proceedings.
