Ginpahayag ni Bacolod City Police Office Director Police Col. Joeresty Coronica nga indi pa madismiss sa serbisyo si Police Staff Sgt. Enrique Gonzalodo bangod malabay pa ini sa due process.
Sa interview sang Bombo Radyo Bacolod kay Coronica, ginatugyan na sini sa Special Investigation Task Group ang imbestigasyon sa pagpatay kay Kristine Joy Dignadice.
Suno diri, si Gonzalodo personnel sang BCPO kag siya naka-estasyon sang Bacolod Police Station 5 bilang mobile patroller.
Siya nag-umpisa sa pagtrabaho sa BCPO sang Setyembre 25, 2024.
Suno kay Coronica, indi pa madismiss si Gonzalodo bangod maagi pa ini sa due process bangod tanan nga kaso, kun administrative case ukon criminal case man.
Pahayag sini, dapat ang tanan nga personnel sang Philippine National Police aware sa ila ginahimo pang-opisyal man ukon personal bangod bisan pribado pa ini, mareflect ukon may epekto ini sa imahe sang kapulisan.
