Indi magnubo sa 73 ka mga persona ang nagkalamatay sa probinsya sang Balochistan sa Pakistan sang gin-atake sang mga separatist militants ang mga police stations, railway lines kag highways samtang naglunsyar naman sang retaliatory operations ang security forces.
Ang nasambit nga assaults ang pinakamalapad sa sulod sang pila ka tuig kun sa diin ang ethnic militants ang may kahimuan.
Suno sa military sang Pakistan, 14 ka mga suldado kag pulis samtang 21 naman ka mga militante ang nagkalamatay sa nasambit nga engkwentro matapos ang pinakadako nga pagpang-atake nga nagtarget sa mga bus kag trucks sa isa ka major highway.
38 naman ka mga sibilyan ang nadulaan sang kabuhi.
Suno sa local officials, 23 sa mga ini ang nagkalamatay sa kilid sa dalan matapos gintsekyar sang mga armado nga mga lalaki ang IDs sang mga pasahero antes nagpangluthang.
