Ginpahayag ni 6th District Board Member Jeffrey Tubola nga ginatinguhaan maareglo ang mga issues sa political alignment sa duha ka grupo sa Negros Occidental.
Suno kay Tubola, nakahibalo ini nga sang nag-upod si Negros Occidental Governor Eugenio Jose “Bong” Lacson sa UNEGA, naghugpong na ang Love Negros kag UNEGA.
Suno diri, nahimo gani halin sang 2019 gani nagalaom man ini nga mahimo sa karun.
Ginpahayag man sini nga kun indi maareglo ang issues nakadepende na ang desisyon sa ila political party apang ginatinguhaan sang gobernadora nga maghugpong sa gihapon ang duha ka grupo apisar nga last termer na ini.
Samtang, nagapabilin nga independent kag wala sang pormal nga political alignment sa bisan ano nga lokal nga grupo si 5th District Rep. Dino Yulo III.
Suno kay Yulo, indi siya miyembro sang United Negros Alliance (UNEGA) kag indi man sang Love Negros.
Nahibaluan nga wala pa man nag-align sa duha ka grupo ang bata sini nga si Isabela Mayor Miguel Angelo Yulo.
Suno sa kongresista nga nagsugod ang ila political journey bilang independent candidates kag nakalampuwas man ang ila distrito sa amo nga pamaagi.
Si Yulo amo ang incumbent representative sang 5th District sang Negros Occidental.
