Ginalantaw sang political analyst sa ciudad sang Bacolod nga pakagat lamang ang ginapahayag economic provisions lamang ang paga-amyenda, bangod ginalantaw na sini nga antes ang pagplebisito ini ang dugangan naman sang amendment sa iban pa nga provisions sang konstitusyon.
Sa interview sang Bombo Radyo Bacolod kay Atty Jomax Ortiz, indi pa segurado ang pahayag ni Senator Imee Marcos nga “dead on arrival” na ang people’s initiative matapos nga nagpagwa sang Resolution of Both Houses of Congress No. 6 nga nagaduso man sang pag-amyenda sa economic provision.
Pahanumdom sang abogado nga ginduso sang Kongreso ang people’s initiative bangod kun ini ang botohan sa Kamara kag Senado dako ang tyansa nga ini ang indi makapasar sa Senado.
Ini bangod may pila ka mga Senador nga maathag na nga magapamatok partikular na ang mga kaalyado ni former President Rodrigo Duterte gani indi makuha ang ginakinahanglan nga two-thirds kabug-usan nga numero.
Aminado si Ortiz nga mayorya sang Kamara ang kontrolado ni House Speaker Martin Romualdez, apang kun separado ang pagboto sang Kamara kag Senado indi gihapon madayun ang amendment kun indi makakuha sang nagakaigo nga numero sa Senado.
Suno kay Ortiz matapos ang plebisito, tsekyaron pa sang Commission on Election (Comelec) ang pirma sang respondents, apang dako man ang posibilidad nga ini ang madeny.
Pahanumdom sang abogado nga sang 2006 sa administrasyon ni former President Gloria Macapagal Arroyo, gindeny na sang Korte Suprema ang people’s initiative sa panindugan nga ini ang indi nagakaigo nga proseso para sa mga major amendments.
Apang matapos naghinun-anon si Senate President Juan Miguel Zubiri kay President Ferdinand “Bongbong” Marcos Jr. hinali nga nagbag-o ang desisyon sini kag nagpagwa sang Resolution of Both Houses of Congress No. 6 nga ginalantaw ni Ortiz, nga abiso gikan sa Presidente.
Apang ginalantaw sang abogado nga ang pag-amyenda sang economic provision ang pinaagi lamang agud makuha ang pahanugot sang publiko.// Suno diri, ang kasunod na nga tikang amo ang amat-amat nga pagpasulod sang dugang pa nga amendment sa iban pa nga provisions sa konstitusyon partikular na sa extensions sang term of office sang mga opisyal.
Para kay Ortiz ang tanan ang kabahin lamang sa political dynamics.
