80 porsyento para sa political analyst ang tyansa nga madala sa America si Kingdom of Jesus Christ founder Pastor Apollo Quiboloy.
Ini kasunod sang pagpadala sang US Government sang formal request para sa extradition sang pastor.
Nahibaluan nga si Quiboloy ang may mga kaso nga conspiracy and sex trafficking by force, fraud, and coercion; Sex trafficking of children; Labor trafficking and forced labor schemes involving church members; Visa and marriage fraud to sustain illegal solicitation operations in the U.S; kag Bulk cash smuggling and money laundering.
Sa intrerview sang Bombo Radyo Bacolod kay Atty Jomax Ortiz, nakapagkit sa 1995 US-Philippines Treaty, nga sarang ma-activate ang extradition treaty kun ang Pilipino nga ga-akusar ang may kaso nga may penalidad nga masobra tatlo ka tuig nga pagkapriso.
Gani aplikable ang extradition treaty kay Quiboloy nga nagapanguna sa wanted list sang Federal Bureau of Investigation (FBI).
Samtang nagapati si Ortiz nga may kaangtanan man sa politika ang rasun kun ngaa karun lamang nagrequest sang extradition ang America.
Hugot ang pagpati sini nga ang America ang may pangamot sa political landscape sang Pilipinas, sa issue sa West Philippine Sea, kag bisan sa impeachment case ni Vice President Sara Duterte.
Suno diri, ang tikan sang pag-extradite kay Quiboloy ang dugang nga paagi sa paglupog sa pamilya Duterte.
Madumduman nga si former President Rodrigo Duterte ang gin-appoint pa nga administrator sang KOJC.
Sa pagguba sa KOJC, nga wala na sang founder, maguba naman ang isa sa mga mabaskog nga supporter ni Duterte.
Suno kay Ortiz, kun masarangan sang America nga magdakop sang mga Presidente kag Cartel gikan sa iban nga mga pungsod, wala sang rasun nga indi nila mapadala sa America kag mapriso si Quiboloy.
