Gin-athag sang political analyst nga kun madeklarar nga unconstitutional ang 2025 General Appropriation Act, ang National Budget sang 2024 amo ang ipatuman.
Sa interview sang Bombo Radyo Bacolod kay Atty Jomax Ortiz, nagasampok sa karun ang duha ka kampo sang mga kongresista kag senador, bangod may mga nagapanindugan nga madamo sang blangko sa ginpasar nga bicameral report apang may mga nagapanindugan man nga kompleto ang ila ginpirmahan.
Ang complaint ang mahimo naman nga ipasaka sa Korte Suprema, kag samtang wala pa sang desisyon, kun ano ang naaprubahan para sa 2025 National Budget amo ang aplikable.
Apang kun mag abot ang tion nga magdeklarar ang Korte Suprema nga unconstitutional ang 2025 GAA, ang gamiton nga budget amo ang napasar tinalikdan nga tuig.
Ini ang makatuga naman sang dako nga problema ilabi na nga P5,767.6 trillion lamang ang budget sang 2024, nga mas manubo sang masobra isa ka bilyon sa P6.326 trillion nga 2025 National Budget.
Dugang pa ni Ortiz nga madamo sang budget sa 2024 nga nangin kontrobersyal kaangay sang Confidential kag Intelligence funds nga liwat maimplementar.
