Ginalantaw sang political analysts sa ciudad sang Bacolod ang mga nagakatabo sa karun ang mahimo nga makabulig kay Vice President Sara Duterte sa 2028 elections.
Suno kay Atty. Jomax Ortiz, indi man illegal ang ginhimo sang bise presidente nga pagbisita sa chief of staff sini sa House of Representative matapos nga ginpriso didto kasunod sang contempt sang kamara.
Suno kay Ortiz, ang matabo amo nga masimpatiya ang mga tawo sa bise presidente bangud ginapakita sini nga salumon sini ang mga personnel sini.
Suno diri, ang mga nagakatabo ang pila lamang sa mga political gimmicks.
Depende na sa mga pumuluyo kun paano ang paglantaw sang mga ini sa sitwasyon.
Ginpahayag man sini nga ang nagakatabo sa karun ang mahimo lamang nga makabulig kay Duterte sa tion nga magpapili ini sa 2028.
Suno pa sa abugado kun sin-o pa ang mga ginadaog-daog amo pa yadto ang mahimo nga magdaog kaangay lamang sang natabo sa kay US President Donald Trump nga sa pihak sang madamo nga kaso nagdaog ini sa pagkapresidente sang Estados Unidos.
