Nagapati si political analyst Atty Jomax Ortiz nga ang pag-atubang ni former Iloilo City Mayor Jed Mabilog sa House Quad Committee Hearing ang isa sa pamaagi sa pagpiang sa grupo sang Duterte.
Sa interview sang Bombo Radyo kay Ortiz, ang konflikto ang nag-umpisa sadtong nagakampanya pa lamang si Former President Rodrigo Duterte.
Nagpadulong sa ciudad sang Iloilo si Duterte apang samtang nagapatigayon sang pangampanya, hinali lang nga nagbrown out nga kaangay ginsabotahe ang campaign sini.
Suno kay Ortiz, ang tanan nga hearing sa Quad Committee angot sa war on drugs humalin kay former Philippine National Police (PNP) chief kag karun Senador Ronald ‘Bato’ Dela Rosa, former Philippine Charity Sweepstakes Office (PCSO) general manager Royina Garma, pagpatay sa tatlo ka Chinese national nga gina-alegar ginsugo sang anay presidente kag pagfile sang kaso nga plunder kay Senator Bong Go, ang dako nga butang nga makapadasig sa issuance sang warrant of arrest sang International Criminal Court (ICC) batok sa anay presidente.
Dugang pa ni Ortiz, ginalauman na nga sa masunod nga bulan posible magwa na ang warrant of arrest sang ICC.
Para kay Ortiz, sala ang ginhimo sang Duterte group nga timprano pa nga nagpatigayon sang rally kun sa diin may alegasyon nga naggwa nga luyag nila nga destabilized ang Marcoses.
Ini suno sa abogado nga wala ginlauman sang Duterte group ang pwersa kag sarang nga mahimo sang Marcoses.
