Nagapati ang political analyst nga dako pa ang tyansa nga ireverse sang Korte Suprema ang ruling nga nagakonsiderar sa articles of impeachment batok kay Vice President Sara Duterte nga unconstitutional.
Sa interview sang Bombo Radyo Bacolod kay Atty Jomax Ortiz, magkatuhay ang panan-aw sang pila ka mga legal luminaries sangsa interpretasyon sang Korte Suprema sa konstitusyon.
Nagapati si Ortiz nga naconfuse lamang ang mga Justices gani dako ang tyansa nga ireverse pa ang desisyon.
Ini bangod nagapabilin nga legal question ang pag-interpret sa ginatawag initiation
Suno kay Ortiz, palamangkutanon pa kun ang pagfile sang una nga tatlo ka impeachment complaints, ang makonsiderar nga kaangay sang articles of impeachment nga pirmado sang one-third sang miyembro sang House of Representatives.
Ginakahangawa sini nga kun makonsiderar nga pag-initiate na sang impeachment ang pagfile sang complaints bisan wala nakalab-ot sa House committees, bangod mahimo nga may pro-Duterte nga magafile sang unmeritorous ukon wala sang merito nga complaints sa masunod nga tuig agud wala na sang iban nga makafile.
Ini bangod kun basihan ang desisyon sang Korte Suprema, ma-apply na ang one-year bar rule, gani kinahanglan naman liwat nga maghulat sang isa ka tuig antes makafile sang impeachment complaint.
Dugang pa nga kwestyonable suno sa abogado kun may diber ang Senado bilang plenary body sa pag-archive sang impeachment case.
Suno kay Ortiz, nakatake oath na ang mga Senador bilang Senate impeachment court gani indi pa klaro kun diin ang may nagakaigo nga jurisdiction sa pagdesisyon.
Apisar nga unanimous ang desisyon sang mga Justices ukon wala sang nagpamatok, nagapati ini nga may dako pa nga tyansa nga mareverse ang desisyon bangod mahimo nagsala lamang ang mga ini sa pag-interpret sang factual basis
Paathag ni Ortiz nga bilang tawo, ang mga Justices ang kun kis-a nagasala man.
Bangod ang Philippine Constution ang ginbalay sunod sa US constitution, gani panugyan ni Ortiz nga tsekyaron ang US jurisprudence kun paano gina-interpret mga ginapaligban nga issue.
