Ginalantaw sang political analyst sa ciudad sang Bacolod nga mahimo indi pag-igrant sang Netherlands government ang pag-apply ni Former Presidential Spokesperson Atty. Harry Roque.
Sa interview sang Bombo Radyo Bacolod kay Atty. Jomax Ortiz, ang dilema ni Roque sa karun sa pag-apply sang political asylum amo nga madamo ang magapamatok sa applicantion sini.
Suno kay Ortiz, ang isa sa magapamatok amo ang makabayan group nga magapanawagan nga papaulion ini sa Pilipinas kag atubangon ang mga reklamo batok sa iya.
Madumduman nga gincite in contempt sang House Quad Comm ang anay presidential spokesperson bangud napaslawan ini nga pagpasa sang mga dokyumento nga nagapamatuod nga wala ini sang connection sa Philippine offshore gaming operation (POGO) hubs.
Suno sa abugado, ini man ang rason sang pahayag ni Undersecretary Atty. Claire Castro nga dapat depensahan ni Roque ang kaugalingon sini antes paman idepensahan ang iban agud masolbar sini ang iya nga kaugalingon nga problema.
Samtang ginpahayag man nga indi man politically motivated ang paglagas kay Atty Harry Roque bangud siya ang gincontempt sang House Quad Committee sang Pilipinas.
Ini ang rason nga ginalantaw sini nga indi pagpaboran ang political asylum application sini sa Netherlands.
Suno kay Ortiz, nagapangayo si Roque sang political asylum bangud nga mahimo nga may yara na ini sang warrant of arrest kag kun magpauli sa Pilipinas sa naman ang mangin madason nga target.
