Ginpahayag sang political analysts sa ciudad sang Bacolod ang kampo ni anay President Rodrigo Duterte ang makahire sang lawyers gikan sa pungsod agud mag-assists apang kinahanglan sa gihapon magkuha sang abugado nga international law experts agud nga magdepensa diri sa trial proper.
Suno kay Atty. Jomax Ortiz, ginpatigayon ang pre-trial kun sa diin sa ginatumod nga ang yara sa Chamber amo ang akusado kag siya ang ginapahibalo sang mga kaso nga ginpasaka batok diri.
Samtang suno kay Ortiz, ok lang man nga gin-appoint sang anay presidente nga mangin legal counsel si Atty Salvador Medaldia apang kinahanglan sagihapon nga maghire sang abugado nga international law expert agud nga magdepensa sa anay presidente sa trial proper.
Ginpahayag man sini nga kabahin lamang sang mga drug war victims ang maga-appear sa International Criminal Court agud nga maghatag sang testismoniya.
Suno diri, personal man nga magatambong sa ICC ang mga ini.
Wala man mahibaluan kun sin-o ang magabulig sa mga ginapahayag nga drug war victims agud makapakita sa ICC.
Apang ginalantaw nga mahimo ang mga grupo nga wala nakauyon sa Duterte ang mahimo magbulig sa mga drug war victims.
Samtang ginalantaw man nga masarangan sang pamilya Duterte ang pagkuha sang abugado agud nga makadepensa sa anay presidente.
