Ginpahayag sang political analysts sa ciudad sang Bacolod nga legal ang ginhimo nga pagdagdag sang warrant of arrest sang International Criminal Court batok kay Former President Rodrigo Duterte.
Sa interview sang Bombo Radyo Bacolod kay Atty Jomax Ortiz, ang Pilipinas ang nangin miyembro sang Rome Statute ukon treaty sang November 1, 2011 kag nagwithdraw sadtong March 17, 2019.
Suno kay Ortiz, ang ginbasehan sang akusasyon sa anay presidente amo ang mga nagkalatabo nga krimen antes pa man ang pagwithdraw sini sang 2019.
Suno diri, nagapabilin ang jurisdiction sang ICC sa mga natabo nga krimen sa pungsod antes paman ang pagwithdraw sa Rome Statute.
Ginpahayag sang abugado nga suno sa ICC may nakomiter nga krimen sa pungsod sang pagpungko ni anay Presidente Rodrigo Duterte.
Suno kay Ortiz, legally may yara sang jurisdiction ang ICC kag nagadis-agree ini kay Atty. Salvador Panelo nga naghambal nga wala na sang jurisdiction ang nasambit nga korte.
Sa pagkamatuod sang 2021 ang korte suprema ang nagpagwa sang desisyon kun sa diin 15 sa mga Justices ang nagdesisyon unanimously nga ang ICC ang may jurisdiction sa Pilipinas.
Ginpahayag man sini nga sa Pilipinas na ginserbe ang warrant of arrest nagikan sa ICC bangud diri may local law enforcers nga magabulig sa Interpol.
Suno kay Ortiz una nga ginpatigayon sang ICC ang preliminary examination agud nga matuod kun may yara sang pagpamatay sa tion sang 1st kag 2nd year sang pagpungko sang anay presidente nga nagadangat sa masobra 20,000.
Ini man ang tion nga nagpungko nga Justice Secretary si Menardo Guevarra kun sa diin naghambal nga ang justice system sa Pilipinas ang working kag wala sang kaso sadto nga ginfile sa anay presidente.
Sang 2018 nagpadayon ang Extrajudicial Killings gani ang ICC ang nagpatigayon na sang preliminary investigation kun sa diin nakita nga may reasonable grounds gani nagwa ang warrant of arrest batok kay President Rodrigo Duterte.
Nagapati man ini nga kun wala man naaresto ang anay presidente kun wala naghatag sang greenlight si President Ferdinand Marcos Jr agud makasulod ang ICC prosecutors kag Interpol.
Maragtason man ang hitabo bangud una ini nga gin-indict ang isa ka leader sa Asia.
Kagab-i ginlupad na sa The Hague, Netherlands ang anay presidente kaupod si Atty Salvador Midialdea ang Executive Secretary sang Pilipinas.
Mahire naman sa karun ang anay presidente sang International Lawyers agud nga magdepensa sa iya sa trial sa The Hague, Netherlands.
Suno kay Ortiz, insakto ang ginhambal sang anay presidente nga ang natabo ang bangud sa politika.
