Ginpahayag sang political analyst sa ciudad sang Bacolod nga sang-una pa lang na-framed up na ang nagakatabo sa karun ilabi na nga madamo sang nahadlok sa mga Duterte gani ginatinguhaan nga indi na makapungko pa sa 2028 elections.
Sa interview kay Atty. Jomax Ortiz, ang prosecution panel sa impeachment trial ni Vice President Sara Duterte naestablisyar sang mga ini ang punto nga sala ang paggamit sang confidential kag intelligence fund sang Office of the Vice President.
Suno kay Ortiz, kun kaisa naluoy nalang siya kay VP Sara bangud naive ini.
Para kay Ortiz, dapat nakita na sang bise presidente nga indi maayo ang matabo bangud ang confidential fund ang ginrelease sang Disyembre 2022 kag pila nalang kaadlaw dapat magasto niya ini bangud kun indi ibalik ini sa General Appropriations Act.
Suno diri, bisan anhon pa ka hambal nga confidential kag initelligence fund ang gin-realign sang Office of the President sa Office of the Vice President, ini ang public funds sa gihapon kag nagakinahanglan sang audit.
Dugang pa sini, nagkompyansa ang bahin sang bise presidente sa paggasto sang confidential kag initelligence fund kag wala gid nakita nga magaresulta ini sa impeachment.
Ginpahayag man sini nga kun mag-resign ang bise presidente, indi na mapadayon ang impeachment trial apang mapadayon sa gihapon nga plunder case.
Apang kun magpadalagan ini sa 2028 elections kag siya ang magadaog nga presidente indi ini madutlan sang kaso nga plunder bangud may immunity ini.
Sa karun, ginabantayan kun ano ang masunod nga matabo sa impeachment trial batok sa bise presidente.
