Political Analyst, nagapati nga may “more than substantial evidence” na sa ICC cases batok kay former President Rodrigo Duterte

Nagapati ang Political Analyst nga “more than substantial evidence” ang ginpresentar sang prosecution sa ika-apat nga adlaw sang confirmation of charges hearing sang International Criminal Court (ICC) batok kay Former President Rodrigo Duterte.

Maduduman nga pormal na nga gin-presentar sang prosecution team sang ICC ang mga co-petpetrators ni anay Presidente may kaangtanan sa kampanya sini batok sa illegal nga droga sang ini ang naga-pungko pa sa pwesto.

Gin-isa-isa ni ICC Trial Lawyer Robynne Croft ang mga nagapanguna nga opisyales nga may yara sang importante nga papel sa pagpatuman sang ‘war on drugs’ sang nakaligad nga administrasyon.

Nalakip diri sanday Ronald “Bato” Dela Rosa, Senador Christopher “Bong” Go, kag ang anay Department of Justice (DOJ) Secretary Vitaliano Aguirre II.

Suno kay Atty Jomax Ortiz, ang ginahimo nga hearing sa sulod sang apat ka adlaw amo ang paghatag sang kahigayunan sa ila nga maipresentar ang mga detalye kag ebidensya sa korte.

Nagapati si Ortiz, nga makumpirmar sang ICC ang charges ni Duterte matapos ang ila presentasyon kag mahatagan sang 60 ka adlaw nga pagtililipon kag deliberasyon ang mga prosecutors agud madiskusyunon kun ano ang ila desisyon.

Pahayag sini, kun makumpirmar na mahimo na ini mapasaka sa Trial Chamber kun sa diin diri na gina-presentar ang mga tanan nga ebidensya kag mga witness.