Nagapati ang political analyst sa ciudad sang Bacolod nga ang tanan nga ginpahayag sang anay presidente sa House QuadCom hearing ang ginapatranscribe sang mga kongresista kag ginpasa sa International Criminal Court.
Sa interview sang Bombo Radyo Bacolod kay Atty. Jomax Ortiz, kun kaisa ang pahayag ni anay President Rodrigo Duterte ang baliskad sa buot sini silingon.
Nagapati si Ortiz nga ang anay presidente ang nakahibalo nga sang matabo, bangud isa man ini ka abugado.
Suno diri, madamo na sang chief executives sa kalibutan nga naissuehan sang warrant of arrest sang ICC ilabi na sa African countries.
Sa tion nga maissue ang warrant mahimo gid ini nga mapriso.
Ginalantaw man sini nga mas pilion nalang sa karun sang anay presidente nga mapriso.
Samtang, nangin National Laughingstock naman sa karun ang House QuadCom hearing bangud sa mga sabat sang anay presidente sa mga pamangkot sang kongresista.
Isa sa nangin makahalam-utan nga nakita sang mga tawo amo ang paghana sang anay presidente nga habuyon sang mikropono si anay Senator Antonio Trillanes, matapos nga ini ang nanghangkat nga papirmahon sang anay presidente ang waiver tuhoy sa pila ka milyon nga kwarta nga nakita sa bank statements ni Duterte.
Suno sa abugado dapat ginpasakaan nalang sang kaso ang anay presidente sangsa ginapabalik-balik sa nasambit nga hearing bangod pasulit-sulit na lamang ang sabat sini.
