Nagapati ang political analyst nga nagdesisyon si Vice President Sara Duterte nga mag-resign bilang tiglikom sang Department of Education (DepEd) kag Vice Chairperson sang National Task Force to End Local Communist Armed Conflict (NTF-ELCAC) agud nga mangin matawhay ang pagkampanya sini sa 2025 mid-term elections.
Sa interview sang Bombo Radyo kay Atty. Jomax Ortiz, indi na masarangan ni Sara nga maghipos lamang bisan nga ginatawag sang amay sini nga si former President Rodrigo Duterte, nga “bangag” ukon nagagamit sang illegal nga druga si President Ferdinand ‘Bongbong’ Marcos kag ang pagpanawagan sang iya utod nga si Davao City Mayor Sebastian ”Baste” Duterte nga mag-resign na si Marcos.
Suno kay Ortiz, wala man sang komento si Sara angot sa isyu sa West Philippine Sea kag mismo siya ang nagpanguna sa pagdepensa kay Kingdom of Jesus Christ leader Apollo Quiboloy.
Nagapati ang abogado nga ang pagresign ni Sara sa gabinete, ang preliminary step sini para sa 2025 midterm elections sa ginalantaw nga siya ang magapadalagan bilang presidente.
