Ginakabig sang political analysts nga euphemism nalang ang pahayag ni Philippine National Police Chief General Nicolas Torre III nga magabato ini kay Davao City Acting Mayor Sebastian “Baste” Duterte.
Sa interview sang Bombo Radyo Bacolod kay Atty. Jomax Ortiz, wala na ginsabat sang tampad ni Torre si Duterte agud indi na maglain ang sitwasyon.
Suno kay Ortiz, nakahibalo na si Torre kun ano nga klase nga mga tawo ang mga Duterte.
Suno diri ginahangop nalang ni Torre ang batasan sang mga Duterte, nga indi mapunggan ang mga baba.
Dugang pa sang abogado nga dapat ang publiko ang makahibalo man nga mag-intiendi sang batasan sang mga Duterte.
Suno sa abugado ang paagi sang panabat ni General Torre ang understandable.
Kahapon nagpagwa sang statement si Davao City Acting Mayor Sebastian “Baste” Duterte nga maisog gid man si General Torre gani matapungulay nalang sila kag ini ang ginsabat man ni Torre nga game man siya kag hustohan lamang bangod madamo ang apektado sang pagbaha gani mahimo nga magpatigayon sang charity match.
