Nagapati ang political analyst nga nakita na sang Malacañang nga indi makalusot ang articles of impeachment batok kay Vice President Sara Duterte gani nagpagwa na lamang sang statement si President Ferdinand “Bongbong” Marcos Jr. nga unimportant ang Bise Presidente.
Sa interview sang Bombo Radyo Bacolod kay Atty Jomax Ortiz, bisan makaseguro sang one-third votes ukon 107 votes gikan sa House of Representative, maathag sa karun nga indi makuha ang kinahanglan nga two-third votes sang Senado kun ifile ang articles of impeachment.
Gani kun ini ang dayunon sang kampo sang Marcos, maggwa lamang nga sila ang bastos kag yara ang posibilidad nga indi ang mangin kaangay kay US President-elect Donald Trump nga makaduha gin-impeach apang nagdaog gihapon bilang Presidente.
Paathag ni Ortiz nga sa pagfile sang impeachment complaint kinahanglan ang assurance nga makuha ang two-third votes sang Senado.
Sa pihak nga bahin, kaangay nga balos naman ni Presidente Marcos ang pagtawag kay VP Sara nga unimportant ukon indi kinahanglan sa pungsod, ini matapos nga siya ang una man nga gintawag nga weak President.
Kompormi ini kay Chief Presidential Legal Counsel Juan Ponce Enrile nga dapat magcooldown ukon magpabugnaw sang ulo ang duha bangod kun magapadayun ang political instability, ini ang makatuga sang negatibo nga epekto sa pumuluyo kag ekonomiya.
Pahanumdom ni Ortiz nga mahimo mag-atras ang mga investors bangod sa political instability.
Samtang indi man mangin epektibo ang people power bangod wala sang kawsa.
