Ginpahayag ni Atty Jomax Ortiz nga ipabilin anay ang status quo sa probinsya sang Negros Occidental, Negros Oriental kag Siquijor samtang wala sang deklarasyon nga unconsitutional ang implementasyon sang Negros Island Region Act.
Sa interview sang Bombo Radyo kay Ortiz, ang punto sang anum ka nagpasa sang petition amo nga wala sang public hearing kag public consultation sa pagpatukod sang bag-o nga rehiyon.
Suno diri, ginkakibot na lamang sang mga pumuluyo nga napermahan na ni President Ferdinand ‘Bongbong’ Marcos Jr ang Republic Act No. 12000.
Pahayag ni Ortiz, bisan nga gamay ang populasyon sang Siquijor dapat nga may public hearing agud nga mabatian ang bahin sang pumuluyo nga amo ang maapektohan sang nasambit nga layi.
Dugang pa sini, kun wala naglabay sa due process posible nga i-nullify ang NIR.
