Polymer bank notes para sa tanan nga denominasyon, ipagwa na sang BSP sa masunod nga tuig

Igalunsyar na sa masunod nga tuig sang Bangko Sentral ng Pilipinas (BSP) ang una nga serye sang mga kwarta nga papel nga ginhimo sa polymer materials.

Suno sa BSP nga tanan nga mga denomination sang kwarta ang ila nga igalunsyar.

Ang nasambit nga tikang matapos ang duha ka tuig nga madinalag-on nga ginlunsyar ang P1000 nga polymer bills gamit ang plastic materials.

Target sang BSP nga sa una nga quarter sang 2025 ipagwa ang nasambit nga polymer bills.

Apisar nga wala pa ini napagwa ang desenyo sang P50, P100, P200 kag P500 ang mahimo ilakip diri ang mga laragway sang mga endemic nga mga kasapatan kag tanum sa pungsod.