Ginkumpirmar sang pinuno sang Department of Social Services and Development (DSSD) nga ginahulat nalang nila ang pondo agud mapanghatag na ang second tranche sang social amelioration program (SAP) cash assistance.
Suno kay DSSD head Pacita Tero, nakahanda na sila para sa payout apang padayon pa nila nga ginahulat kun san-o madownload ang pondo subong man ang guidelines nagikan sa national government.
Gin-athag man sini nga nagikan sa kabug-usan nga 98,143 SAP beneficiaries sa first tranche, 76 diri ang ginbuhin bangud may yara sang duplication samtang masobra 800 man ang ini makabaton sang second tranche bangud ineligible sila ukon mga indi kwalipikado apang nakabaton sa una nga tranche.
May yara naman sang masobra 15 mil ka mga left out families nga natalana makabaton sang P12 mil.
Nahibaluan nga ang ciudad sang Bacolod, probinsya sang Iloilo kag Iloilo City lamang ang nadala sa second tranche sang SAP cash assistance.
