Aprubado na ang pondo para sa pila ka mga proyekto sang city government sang Victorias.
Suno kay Victorias City Mayor Javier Miguel “Javi” Benitez, luyag sini magserbisyo sa siyudad ilabi na sa dignified human settlements, diversified economy, disaster resilient community, education, universal health care, dynamic governance nga ila ginatrabaho.
Suno diri, naka-secure na ini sang P55 million nga budget para sa evacuation center, kag P600 million para sa duha ka ten-storey towers.
May yara man sang solar lighting, improvement sang dalan kag hospitals nga ila sa karun mas ginahatagan sang prayoridad nga may P17 million budget nga gin-donar para diri.
May igahatag man ini nga smart TVs kag 3,555 ka mga tablets sa 711 ka classrooms, samtang 924 naman ka mga laptops ang ipanagtag sa mga manunudlo.
Nagapati ini nga dako ang bulig sang teknolohiya sa mga manunudlo kag estudyante nga makahatag sa ila sang oportunidad kag pagtulun-an.
