Gin-ako ni Pope Francis nga fragile ini kag nagapangatubang sang isa ka “period of trial” kadungan sang pagpasalamat sini sa mga nagpangamuyo para sa iya, sa isa ka mensahe nga ginpagwa sini nagikan sa ospital, kun sa diin siya ang nagabaton sang pagbulong para sa pneumonia.
Ang 88-anyos nga Santo Papa, nga nahospitalized humalin sang Pebrero 14, ang nagpadala sang isa ka personal message sa mga tumuluo nga ginpublish sang Vatican, kadungan sang liwat sini nga indi pagdeliver snag traditional Angelus prayer in person.
Suno sa Santo Papa, nagaupod ini sa mga kautoran sini nga nagamasakit kag fragile kaangay sa iya, sa karun nga tion.
Suno diri, ang atun lawas ang maluya apang wala sang may makapauntat sa pagpalangga, pagpangamuyo kag paghatag sang kaugalingon sa pagtuo kag pagpakita sang paglaom.
Ini na ang ikalima nga kahigayunan nga wala nakahatag sang Angelus prayer si Pope Francis sa personal bangud sa ginabatyag sini sa ikaayong lawas.
