Gindala si Pope Francis sa ospital para sa medical examination bangud sa ginasuprer sini nga bronchitis.
Suno sa Vatican, yara sa Agostino Gemelli Polyclinic sa Roma ang 88-anyos nga Santo Papa agud nga magpaidalom man sa kinahanglanon nga diagnostic tests.
Bangud sini ginpaiway anay ang mga meeting sini sa masunod nga tatlo ka adlaw.Nahibaluan nga makapila naman ka beses nga nahospitalize ang Argentine pontiff halin sang naglinigad nga tinuig lakip na ang pagpaidalom sini sa abdominal surgery sang 2023.
Humalin sang nagligad nga sinemana, nabudlayan man ini sa paghambal kag pagginhawa bangud sa bronchitis rason nga ginpalihog lamang sa aides ang iya speeches kag addresses.
2013 sang nangin Santo Papa si Pope Francis nga amo ang labing-una halin sa South America.
