Ginkumpirmar sang Vatican nga magapadulong si Pope Francis sa Mongolia sa katapusan sang bulan sang Agosto, bangud nag-ayo na ang kondisyon sang iya nga ikaayong lawas matapos ang pag-opera sa iya, kun sa diin mahimo na ini nga magpadulong sa pinakamalayo nga lugar nga iya nabisitahan sadto.
Nagpagwa naman ang Vatican sang schedule para sa pagbiyahe sini nga gintalana sa August 31 tubtob September 4, kag mahimo lamang nga indi madayon ang pagbiyahe sang Santo Papa kun may yara sang extreme reasons.
Si Pope Francis, 86 anyos, ang nagpabilin sa ospital sa sulod sang siyam ka adlaw matapos ang pag-opera diri bangud sa abdominal hernia sang tinalikdan nga bulan, ang natalana nga magbisita sa Portugal sa Augosto 2 tubtob Agosto 4.
Siya ang magapahuway sa bilog nga bulan sang Hulyo, kasunod sang customary holiday month sang Vatican.
Samtang yara sa pungsod Mongolia ang Santo Papa, ini ang magatinir sa Ulaanbaatar ang capital sang nasambit nga pungsod kun sa diin may yara ini sang 1,300 ka mga katoliko, mas diutay sangsa kalabanan nga parish churches sa madamo nga lugar.
