Pope Francis, nagapabilin nga estable ang kondisyon kag wala na naka-eksperyensya sang respiratory crisis

Nagapabilin nga estable kag wala sang bag-o nga episodes sang respiratory crisis si Pope Francis, nga nagapakigbato sa karun sa pneumonia sa ospital sa sulod sang tatlo ka semana.

Samtang nagapadayon sa pagbulong ang 88-anyos nga Santo Papa, ginpahayag sang mga doktor sini nga indi sila mag-issue sang isa pa ka medical bulletin tubtob Sabado bangud sa stability sang clinical picture.

Si Francis ang gin-admit sa Gemelli hospital sa Rome sang Pebrero 14 bangud sa isa ka severe respiratory infection nga nagarequire sang padayon nga pagbulong.

Sang Huwebes, ginpahayag sang Vatican nga makasarang na nga magtrabaho ang Santo Papa kadungan sang pagbaton sang iya treatments kag pagpahuway.

Nagapadayon man ang physical therapy para sa mobility.