Yara sa karun sa estable nga kondisyon si Pope Francis samtang nagabato ini sa pneumonia sa ospital sa ika-17 nga adlaw kag nakigkita sa duha ka mga Vatican officials sang Doming kag nag-offer sang pagpasalamat sa mga well-wishers bangud sa ila pangamuyo kag suporta.
Si Francis, nga gin-admit sa Gemelli hospital sa Rome sang Pebrero 14 bangud sa respiratory problems nga nagdegenerate sa double pneumonia, isa ka seryoso nga infection lunsay sa duha ka mga baga nga sarang nga maka-inflame kag scar sa mga ini rason kun ngaa nabudlayan ini sa pagginhawa.
Ginpahayag man sang Vatican sang Sabado sang gab-i nga nangin estable na ang kondisyon sang Santo Papa matapos ang isa ka “isolated” breathing crisis.
Sa isa ka note nga ginrelease sang Vatican, ginpahayag ni Francis nga luyag sini nga magpasalamat sa pagpangamuyo sang mga Katoliko para sa iya.
