VATICAN – Gin-canonize ni Pope Francis kahapon ang isa ka Frenchman nga ginpatay sa isa ka desyerto, isa ka Dutch priest nga ginpatay sa isa ka Nazi concentration camp kag isa ka Indian lay convert kalakip sa 10 ka mga panibag-o nga santo nga opisyal nga ginproklamar.
Linibo ka mga tawo gikan pa sa nagkalain-lain nga bahin sang kalibutan ang nagpuno sa St. Peter’s Square sa Vatical para sa canonization mass, nga ginpangunahan sang 85 anyos nga pontiff kag gintambungan sang mga delegations nga ginlakipan ni Interior Minister Gerald Darminin sang France kag Italian President sergio Mattarella.
Ang litrato sang 10 ka mga panibag-o nga santo ang ginpakabit sa pader sang pinakadako nga basilica sa kalibutan.
Indi kaangay sa nakaligad nga inadlaw, si Pope Francis, nga ginpalibutan sang kapin 50 ka cardinals kag 300 ka bishops kag kaparian ang wala na naka-wheelchair.
Sa idalum sang mainit nga adlaw, ang grupo sang mga tumuluo ang nag-umpisa sa pagpuno sa square, kun sa diin ang iban ang nakasuksok sang panapton ukon scarf nga may litrato sang isa sa mga panibag-o nga santo.
Sa idalum sang pagsulundan sang Catholic Church, tanan nga 10 ang natapos na nga mabeatified, ukon natawag na nga “blessed”, apang ginakinahanglan pa nga makahimo sang mirakulo antes makadangat sa final step padulong sa pagkasanto.
Ang panibag-o nga mga santo ang ginalakipan nanday Charles de Foucauld, isa ka French soldier kag explorer, nga nangin pari kag nagkabuhi upod sa mga Trappist monks sa Syria, Palestine kasubong man kaupod ang Tuaregs sa Algerian desert.
Siya ang ginpatay sang mga bandido sadtong December 1, 1916, apang bangod sa iya nga binuhatan siya ang nangin isa sa ginakilala nga tumuluyo sa France.
Ang isa pa nga nakatapak na sa pagka-Santo amo ang Dutch Carmelite preist, theologian kag journalist nga si Titus Brandsma, nga nanindugan batok sa Nazis sa tion sang World War II.
Ini ang nagpamatok antes ang pag-invade sang Germany sa Netherlands sadtong 1940 kag ginpanugyan sa Catholic Dutch newspaper nga batuan ang propaganda sang nagapanakop.
Si Brandsma ang gin-aresto sang January 1942 kag gindala sa Dachau concentration camp kun sa diin ini napatay sang Hulyo 26 sa nasambit nga tuig matapos nga siya ang gintublukan sang carbolic acid.
Siya ang nabeatify sang 1985 matapos nga gindeklarar nga martyr kag natukiban nga makabuhat sang milagro sa pag-ayo sang isa ka Carmelite priest.
Samtang si Devasahayam Pillai, kilala bilang si Lazarus, ang pinakauna nga Indian layman nga nangin santo santo sa Vatican.
