Ginahangkat ni Pope Francis ang mga tumuluo sa bilog nga kalibutan nga magpangamuyo para sa Earth nga nagamasakit.
Sa isa ka video, ginpabutyag sang Santo Papa ang kahangawa sini sa nagakatabo sa karun sa “sick” Earth ukon ginalaragway sini nga nagamasakit nga kalibutan.
Suno diri, dapat nga pangamuyuan ang nagahibi sa karun nga kalibutan kag kun lantawon ang temperatura sang planeta, ini ang magahambal nga daw kaangay nga ini ang ginahilanat.
Gikwestiyon sini ang mga tumuluo kun sila ang nagapamati bala sa kasakit sang mga biktima sang environmental catastrophes.
Nagpahanumdum man ini sa mga tumuluo sang dako nga impact sang nagamasakit nga kalibutan sa mga wala sang pribelihiyo kag nag-apelar sa mga pumuluyo nga magtuon kun paano atipanon kag halungan ang environment.
