Ginhingyo ni Pope Francis ang pilgrims nga pangamuyuan ang iya palaabuton nga journey padulong sa Asia kag Oceania kun sa diin siya ang magabisita sa Indonesia, Papua New Guinea, East Timor kag Singapore.
Ang pontiff ang magabiya subong nga adlaw, Setyembre 2, para sa isa ka 12-day trip sa palibot sang apat ka nasyon nga nagacover sang 33,000 km ukon 20,500 miles sa ginalantaw pinakamalaba nga journey sanng 87-anyos nga pinuno sang Simbahan Katoliko.
Sa iya weekly Angelus prayer nagikan sa St. Peter’s Square, ginpalab-ot sang Santo Papa ang iya pagpakig-unong sa mga martyr sa Ukraine, nga naigo sang gin-atake ang ila energy infrastructure kasubong man ang populasyon sa Gaza kun sa diin isa na sa karun ka health emergency ang polio.
Gindumdum man sang Santo Papa ang pagpang-atake nga natabo sa Barsalogho, Burkina Faso, kun sa diin ginatos ang nagkalamatay sang Agosto 24 bangud sa ginaalegar mga suspected jihadists.
