Nagtaliwan si Pope Francis bangud sa isa ka stroke kag irreversible heart failure suno kay Vatican doctor Andrea Arcangeli sa isa ka death certificate nga ginrelease sang Lunes para sa 88-anyos nga pontiff.
Ang certificate, nga ginpublish sang Vatican, ang nagapahayag nga na-comatose pa ang Santo Papa antes ini napatay sang Lunes sang aga.
Magluwas sa iya lung infection, ginpahayag ni Director of the Directorate of Health and Hygiene of Vatican City State Professor Andrea Arcangeli nga si Francis ang nagsuprer man sang previous episode sang acute respiratory failure sa context sang bilateral multimicrobial pneumonia, multiple bronchiectasis, high blood pressure kag diabetes.
Suno sa isa ka tagpamaba sa Vatican, ang lungon sang Santo Papa ang posible nga pagasayluhon sa St. Peter’s Basilica sa Miyerkules sang aga agud mapahanugutan ang mga tumuluyo nga maghatag sang respeto.
