Pope Francis, nakitaan sang improvement sa iya lungs santo sa resulta sang chest X-ray

Ginkumpirmar sang isa ka chest X-ray ang gamay nga improvement sa lungs ni Pope Francis samtang nagarecover ini matapos ang lima ka semana nga pagtinir sa ospital bangud sa double pneumonia.

Ang 88-anyos nga Santo Papa ang nagbiya sa Gemelli hospital sang Rome sang Marso 23 matapos suno sa mga doktor, makaduha ka beses ini nga dutayan na lamang madulaan sang kabuhi.

Suno sa Vatican press office, ginkumpirmar sang isa ka chest X-ray nga ginpatigayon ang isa ka “slight improvement” sa iya pulmonary infection.

Nareport man ang mga improvements sa iya motor skills, tingog kag pagginhawa.

Apisar nga nagapadayon ini sa paggamit sang oxygen paagi sa isa ka cannula, sarang ini nga mahukas sang Santo Papa sa malip-ot nga periods.