Ginpakigbahin ni Pope Francis nga siya ang target sang isa ka attempted suicide bombing sa pagbisita sini sa Iraq tatlo ka tuig na ang nakaligad, ang labing una nga Katoliko nga Santo Papa nga nagpadulong sa pungsod kag ginalantaw isa sa pinakadelikado nga foreign trip sa 11 ka tuig sini nga papacy.
Suno kay Francis, siya ang ginpahibalo sang pulis matapos nagland sa Baghdad sang Marso 2021 nga indi magnubo sa duha ka mga suicide bombers ang nagatarget sa isa sa mga ginaplanuhan sini nga events.
Suno diri, isa ka babaye nga may dala nga mga bomba ang padulong sa Mosul agud palukpon ang kaugalingon sini sa pagbisita sang Santo Papa.
Ang pagbisita ni Francis sa Mosul ang isa ka key moment sa iya pagbyahe padulong sa Iraq.
Ang ikaduha nga pinakamalapad nga ciudad sa Iraq ang nakontrolar na sang Islamic State humalin 2014 tubtob 2017.
Ginbisita sang Santo Papa ang mga nagkalaguba nga apat ka mga simbahan kag naglunsyar sang apelasyon para sa kalinong.
