Yara sa gihapon sa kritikal nga kondisyon si Pope Francis samtang nagapakigbato ini sa double pneumonia kag onset sang slight kidney failure apang nagapabilin ini nga alerto suno sa Vatican.
Ang 88-anyos nga Santo Papa ang 11 ka adlaw na nga nagatinir sa Gemelli Hospital sa Rome, ang pinakamalawig sini nga hospital stay sa 12 ka tuig sini nga papacy.
Suno sa isa ka Vatican official nga wala lamang ginhingadlan, nagakaon sang normal si Pope Francis kag natigayon nga nakatindog kag makagiho sa iya hospital room.
Sang Domingo, ginlaragway sang Vatican ang kondisyon ni Pope Francis bilang kritikal para sa ikaduha nga adlaw kag ang mga blood tests ang nagpakita sang isa ka initial slight insufficiency sa iya kidney function, nga suno diri, under control.
Siya ang nagbaton sang isa ka blood transfusion sang Sabado matapos maka-eksperyensya sang “prolonged asthma-like respiratory crisis” kag ang prognosis sini ang nagapabilin nga “guarded” suno sa latest medical update sang Domingo.
