Pope Leo XIV, gintawag ni US Pres. Donald Trump nga “weak” sa crime kag “terrible” sa foreign policy

Gintawag ni U.S. President Donald Trump ang lider sang Simbahan Katoliko nga si Pope Leo XIV nga “weak” sa mga topiko sa krimen kag wala sang may nahibaluan sa foreign policy.

Ini ang ginpahayag ni Trump matapos ginbatikos sang Santo Papa ang foreign kag immigration policies sang US President.

Nag-umpisa ang kritisismo sang catholic leader sa pamahog ni Trump nga gub-on niya ang Iranian civilization, nga gintawag niya bilang “unacceptable”.

Sa social media post ni Trump, ginpanawagan niya nga dapat kay-uhon ni Pope Leo ang iya nga gawi bilang Santo Papa kag dugang pa niya nga indi ini “big fan” sang american pope.