Pormal na nga nagnumpa si Kalookan Bishop Pablo Virgilio “Ambo” David bilang ika-10 Pilipinong kardinal sang Simbahang Katolika.
Ginpangunahan ni Pope Francis ang Vatican ceremony sa Ordinary Public Consistory agud nga pormal ini nga mangin cardinal sang Catholic Church.
Kalakip naman ini sa karun sa mga Filipino cardinal nga sanday Jose Advincula sang Maynila kag Luis Antonio Tagle.
Sa seremonya, ginhatagan si David sang cardinal ring, isa ka tube nga nagaunod sang mga dokyumento nga nagapahayag sang iya nga bag-o nga position bilang kardinal kag isa ka pula nga biretta.
Siya man ang ibutang sa isa ka titular church sa Rome.
Sa homily, ginapahanumduman sang santo papa ang 21 ka bag-o nga cardinals nga hindi makapoy sa ila nga mission kag pagsunod sa banas ni Hesus bilang “builders of communion and unity.”
Ang mga bago nga cardinal ang nagikan sa Argentina, Brazil, Chile, Peru, Italy, Britain, Serbia, Japan, Indonesia, Canada, Ivory Coast, Pilipinas, kag Algeria.
Si David ang sa karun presidente sang Catholic Bishops’ Conference of the Philippines.
