Narusdak ang portion sang kisame sa second floor sang Cadiz City District Hospital matapos ang mabaskog nga pag-ulan.
Sa interview sang Bombo Radyo Bacolod kay Engineer Ernie Mapa, pinuno sang Negros Occidental Provincial Engineering Office, narusdak ang kisame sang Cadiz City District Hospital bangud sa nagtipon nga tubig kasunod sang mabaskog nga pag-ulan matapos nasupnan ang baba sang gutter.
Suno kay Mapa, nadugangan pa sang mga dahon nga nagtipon kag nagsupon sa baba sang ginaagyan sang tubig, gani nagpangita ini sang iban nga maagyan nga nag-ilig balik sa porsyon sang kisame.
Bangud wala sang magwaan, nagtipon ang tubig nga wala na masarangan sang kisame.
Sa karun ang narusdak nga portion sang kisame ang narepair naman sang maintenance team sang Cadiz City District Hospital.
