Maeksperyensyahan na sugod subong nga adlaw ang tuman ka hinay nga lakat sang trapiko sa Dalan Lacson kasunod sang road closure nga ginpatuman para sa Cosmic Masskara Music Festival.
Ang closure sang dalan nag-umpisa alas-5:00 kaina sang kaagahon kag magalawig tubtob sa Oktubre 23, alas-7:00 sang aga.
Apektado diri ang BS Aquino Drive tubtob sa 19th Street kag North Capitol Road tubtob sa Lacson Street.
Samtang, sirado man ang 19th street to 2nd Street kag South Capitol Road sa Oktubre 19 tubtob Oktubre 23 humlailn alas 3:00 sang hapon tubotb alas 4:00 sang kaagahon.
Sa interview sang Bombo Radyo kay Police Major Junji Liba, Bacolod Traffic Authority Office Head, totally close ang dalan humalin sa North Capitol Road tubtob sa Ramos-Lacson Street.
Kasubong man nga sirado ang dalan sa North Capitol Road humalin sa Aguinaldo Street tubtob sa dalan Lacson.
Suno diri, sa bahin sang Ramos may yara sang permanente nga sirad-an nga dalan tubtob sa 19th street bangod sa stage nga ibutang.
Kun padulong naman sa Norte nga bahin, alas 5:00 sang kaagahon tubtob alas 3:00 sang hapon, ang ruta nga maagyan ma-umpisa sa 18th street, liko sa tuo sa San Agustin Drive kag mag-usoy pa gwa sa Bob’s Restaurant Northdrive, balik sa BS Aquino kag Lacson.
Kun pabalik naman nagikan sa Norte, ang ruta maliko sa nawala nga dalan sa BS Aquino, sa 19th street liko sa tuo padulong sa Lacson, pagkatapos maliko sa nawala nga direksyon agud makabalik sa Lacson street.
Pahayag ni Liba, nagpagwa na sila sang guide sang ruta sang Public Utility Jeelpney agud mahatagan sang pahibalo ang mga pasahero sa dalan nga agyan.
Kumpleto naman sa signages ang BTAO kag ini man may nabutang nga oras kun sa diin malabay ang PUJ.
Samtang, aminado si Liba nga kabudlayan para sa ila ang kakulangan sang BTAO personnel.
Nakaplastar naman ang mga portalets sa Bacolod City Public Plaza samtang nagahilapit ang highlight sang MassKara Festival 2023.
Sa pagtsekyar sang Bombo News Team, tatlo ka mga portalets ang ginpahamtang sa Dalan Gonzaga kag malimpyo man ini bangud may nagasunod panglimpyo.
