Ports, terminals kag mga dalanon, napuno sang pasahero isa ka adlaw matapos ang tigkalalag

Nakareport sang pagdugok sang pasahero sa mga ports, terminals kag mga dalanon isa ka adlaw matapos ang Undas ukon pag-obserbar sang All Saints’ Day kag All Souls’ Day.

Nakarekord ang Philippine Coast Guard sang 56,853 ka mga outbound passengers kag 44,725 ka mga inbound passengers sa mga ports sa bilog nga pungsod.

Suno kay PCG spokesperson Commodore Algier Ricafrente, madamo nga mga pumuluyo ang ginalauman nga magbyahe pa.

Wala naman sang may nareport nga untoward incidents sa mga piers kag mga barko.

Sa situation report, ginpahayag sang PCG nga 4,331 ang ginpangdeploy nga mga frontline personnel sa 16 ka PCG Districts kag nag-inspect sang 621 ka mga barko kag 980 ka mga motor bancas.