Nakabawi ang Portugal matapos sini gindominar ang Uzbekistan sa 5-0 nga kadalag-an, sa Group K sang FIFA World Cup 2026, kasunod sang nauna nga 1-1 draw kontra sa Democratic Republic of Congo.
Ginpangunahan sang kapitan kag football superstar nga si Cristiano Ronaldo ang opensa sang Portugal matapos ini makarecord sang duha ka goal sa ika-6 kag ika-39 minutos sang hampang.
Sa edad nga 41, nakahimo man si Ronaldo sang maragtason nga rekord bilang labing una nga player nga makapuntos sa anum ka separado nga mga edisyon sang World Cup.
Nagdugang pa sang isa ka goal si Nuno Mendes sa ika-17 minutos sang hampang kasubong man kay Rafael Leão sa ika-87 minutos para sa Portugal.
Nagdugang pa gid sa advantage sang Portugal ang “own goal” nga napasulod ni Abduvohid Nematov sang Uzbekistan sa ika-60 minutos sang match.
Ang masunod nga atubangon sang Portugal amo ang Colombia sa Miami para sa ila ulihi nga group match samtang makontra naman sang Uzbekistan ang Congo sa Atlanta.
