Ginalauman sang Office of Civil Defense- Western Visayas ang posibilidad sang pagluntad sang lava flow sa paglupok sang bulkan Kanlaon.
Sa interview sang Bombo Radyo kay OCD Western Visayas Regional Director Raul Fernandez, nagpagwa sang advisory ang Philippine Institute of Volcanology and Seismology (PHIVOLCS) sa nagluntad nga degassing sa bulkan bangod sa nagasaka nga magma kag may nakita nga mga bato nga sunog.
Suno diri, may posibilidad nga maggwa ang magma apang ang maayo nga butang para diri amo nga mahinay ang pagsaka sini.
Kun manubo ang emission sang sulfur dioxide may yara sang nagabara sa bulkan kag kun maglupok tuman ka delikado ang lava flow.
Apang kun mataas naman ang emission sang sulfur dioxide posible nga mailig lang ang lava.
Pahayga ni Fernandez, padayon ang pagpakig-angot sa PHIVOLCS sa sitwasyon sang bulkan.
