Ginkumpirmar sang pinuno sang Public Order and Safety Office nga hugot na sini nga ginpabantayan ang Bacolod Vendors Plaza.
Sa interview sang Bombo Radyo Bacolod kay Retired General Primitivo Tabujara, napabutangan na sang POSO personnel ang vendors plaza kag nakapakig-angot naman sila sa contractor sang SM kag mismo sa Barangay 12.
Suno kay Tabujara nga bisan ang property ang gin-arkilahan sang pribado nga kumpanya, ang mga buildings ang ginapanag-iyahan sa gihapon sang ciudad gani dapat nga bantayan kag siguruhon nga indi magkaladula ang mga materyales.
Suno diri, ang mga gamit ang mahimo pa gamiton sang ciudad agud ibulig kaangay lamang sa mga nasunugan kag iban pa.
Ginsiraduhan man ang lugar apang may yara man sa gihapon sang maagyan ang mga nagabasket.
Nagcoordinate naman ang personnel sang POSO sa Punong Barangay sang Barangay 12 agud nga madesisyunan kun ano ang himuon sa basketball court nga yara sa sulod sang propedad.
Samtang ginpahayag man sini nga instruction ni Engineer Loben Ceballos sang City Engineers Office nga siraduhon nalang ang kabug-usan sang propedad.
Sa karun may ihatag naman nga logbook ang POSO sa mga nagabantay agud mamonitor kun sin-o ang nagasulod kag nagagwa sa area.
Ginpahayag man ni Roger Gomez, personnel sang Public Order Safety Office nga nagbantay sang vendors plaza nga siya ang wala man sang nakita nga nagtuyo magpangawat samtang sila ang nagabantay sa lugar.
Suno kay Gomez, siya ang ginbutang agud magbantay bangud ini ang residente kag anay Barangay Kagawad sang Barangay 12.
Ginpahayag man sini nga sa iya pagpinsar, ang mga nagakuha sang materyles ang nagapangscrap lamang kag wala nagapangawat.
Dugang pa sini ang nagapangscrap sa lugar ang sadto nagatrabaho man diri apang nalay-off gani sa karun lain na ang nagatrabago sa area.
Subong nga adlaw ginalantaw nga magwa ang legal order angot sa ila pagbantay.
