Gin-ban sang Department of Agriculture (DA) ang importasyon sang poultry products halin sa The Netherlands bangud sa mga kaso sang bird flu sa amo nga pungsod sa Europa.
Nakasaad sa Memorandum Order No. 56 ang domestic kag wild birds kag tanan nga ila produkto kalakip na ang poultry meat, day-old chicks, eggs kag semen.
Gin-suspend man sang DA ang pag-proseso kag evaluation sang applications amo man ang pag-paguwa sang sanitary kag phytosanitary import clearances.
Tanan nga veterinary quarantine officers ukon inspectors ang maga-check man sa tanan nga poultry commodities sa major ports sa Pilipinas.
Ang mando sang DA ang kasunod sang report sang Dutch authorities nga may outbreak sang highly pathogenic avian influenza sa Putten, Gelderland kasunod sang outbrteak sa domestic birds sang Nov. 17 subong nga tuig.
Santo sa World Organization for Animal Health (WOAH), isa ka makalalaton nga viral disease ang avian influenza nga nagaapekto sa domestic kag wild birds.
Tuga ini sang viruses nga may multiple subtypes nga may genetic characteristics nga madasig nga naga-evolve.
