Ginpasalig sang mga power distributor kag power provider nga wala sang browout isa ka semana antes kag matapos ang May 12 Elections.
Sa interview sang Bombo Radyo Bacolod kay Negros Occidental Election Supervisor Atty Ian Lee Ananoria, sa ila pagsapol sa mga representative sang Northern Negros Electric Cooperative (NONECO), Negros Occidental Electric Cooperative (NOCECO), Negros Electric and Power Corporation (NEPC) kag National Grid Corporation of the Philippines (NGCP), ginpasalig na sang mga ini nga wala sang schedule maintenance activity nga malapit sa election day.
Tsekyaron man sang mga ini ang linya sang kuryente nga mahimo makaapekto sa mga magaserbe nga polling precinct.
Ginaseguro man sang NGCP, nga amo ang ginalabyan sang power supply ang bastante nga supply sang kuryente sa adlaw sang eleksyon.
Sa pihak sini, pasalig ni Ananoria nga may 14 hours lifespan ang battery sang mga Automated Counting Machines (ACMs).
Gani hinali nga magmagluntad nga brownout ukon matrip-off ang power supply, makasarang gihapon nga mag-operate sang mga ACMs.
Suno diri, ang pagboto sang mga senior citizens, persons with disability kag nagabusong ang mahimo na suguran alas-5:00 sang aga, samtang ang voting schedules sang normal voters ang magasugod alas-7:00 sang aga.
